Samsung – Од танкери до телефони
Јужнокорејскиот гигант Samsung е можеби најдобриот пример за оваа стратегија. Дел од Samsung секоја година испорачува повеќе од 200 милиони паметни телефони, додека друг дел гради огромни LNG танкери во сопствените бродоградилишта. Од тешка индустрија до потрошувачка електроника сè под едно исто лого.
Michelin – Пневматици и Michelin ѕвезди
Францускиот Michelin повеќе од еден век не произведува само гуми, туку е и издавач на прочуениот Michelin водич кој на најдобрите ресторани во светот им доделува престижни ѕвезди. Бренд што ве држи на патот, но и ве води до највкусните гастрономски дестинации.
Volkswagen – Автомобили и колбаси
Мислите дека автомобилската индустрија и храната немаат допирни точки? Помислете повторно. Volkswagen секоја година продава до 8,5 милиони парчиња од својата прочуена „каривурст“ колбасица. Еден од најпродаваните „модели“ од нивната кујна не е автомобил туку колбас.
Уште понеочекувани комбинации:
- Yamaha: мотори и клавири.
- Rolls-Royce: млазни мотори и луксузни автомобили.
- Raytheon: ракети Patriot и микробранови печки.
Што ги поврзува овие брендови?
Силна доверба во брендот. Овие компании се доказ дека кога потрошувачите веруваат во името, спремни се да му веруваат и надвор од неговата оригинална индустрија без разлика дали станува збор за гуми, авиони, телефони или колбаси.
Следниот пат кога ќе купите гума, телефон – или дури и колбас – можеби всушност станувате дел од една иста глобална приказна.
Извор – bizlife.rs
